சிவாவின் அடுத்த நகைச்சுவை படம் "சொன்னா புரியாது"

Friday, 19 October 2012, By.Rajah.

தமிழ்படம் இயக்குனர் சி.எஸ்.அமுதனிடம் இணை இயக்குனராக இருந்த கிருஷ்ணன் ஜெயராஜ் இயக்கும் படம் "சொன்னா புரியாது".

இப்படத்தில் தமிழ்ப்படம் சிவா நாயகனாகவும், நாயகியாக வசுந்தரா காஷ்யப் நாயகியாகவும் நடிக்கின்றனர். இவர்களுடன் மனோபாலா, பிளேடு ஷங்கர், மீரா கிருஷ்ணனா, சிங்கமுத்து, ஆர்.எஸ்.சிவாஜி, அல்வா வாசு, ஆர்த்தி, ஆதிஷ், பிரதீப் (அறிமுகம்), "காதல்" சரவணன் ஆகியோர் நடிக்கின்றனர். படம் குறித்து இயக்குனர் கிருஷ்ணன் ஜெயராஜ் கூறுகையில், திருமணம் என்றால் தவிர்த்து வருபவர் சிவா. அவருக்கு திருமணம் என்கிற சடங்கு மீது பயம் அதிகம். திருமணம் தவறானது. அது ஆண்களின் சுதந்திரத்தையும் நிம்மதியையும் பறிப்பது என்று எண்ணுபவர். எனவே திருமணப் பேச்சு எடுத்தாலே விலகி ஓடுகிறார். ஒவ்வொரு முறையும் கால்கட்டு போடச் செய்யும் இக்கட்டில் அவர் சிக்கிக் கொள்வதும் அவர் தப்பிப்பதும் தொடர்கிறது. அவர் கடைசியில் திருமணம் செய்து கொண்டாரா இல்லையா என்பதை கதை முழுக்க முழுக்க நகைச்சுவையாக சொல்லப்பட்டுள்ளது. குடும்பத்துடன் உட்கார்ந்து ரசித்துப் பார்க்கும்படியாக இப்படம் இருக்கும் என்றும் ஆரம்பம் முதல் இறுதிவரை சிரிக்க வைக்கும் காட்சிகள் உண்டு எனவும் கூறியுள்ளார். மொழி மாற்றுப் படங்களுக்கு டப்பிங் குரல் கொடுக்கும் கலைஞராக சிவா நடிக்கிறார். கதாநாயகன் ஏன் திருமணத்தை தவிர்த்து விலகி ஓடுகிறார் என்பது மற்றவருக்கு "சொன்னா புரியாது" என்பதே கதைக்கருவாக அமைக்கப்பட்டுள்ளது. சென்னை, கோபி செட்டிப்பாளையம் மற்றும் தாய்லாந்திலும் படப்பிடிப்பு நடந்துள்ளது. படப்பிடிப்பு முடிந்து பின்னணி இசை சேர்ப்பு பணி நடைபெற்று வருகிறது. "சொன்னா புரியாது" டிசம்பரில் வெளியாகும் என்று எதிர்பார்க்கப்படுகிறது